Marcha dos elefantes

Continuamos con animais terrestres, pero neste caso cunha obra que igual coñecedes pola película do "Libro da Selva". É a marcha que realizan os elefantes...

Nós acompañamos esta música con percusión corporal e movememtos seguindo este vídeo:

Carnaval dos animais, de Camille Saint-Saëns

En 2º traballaremos durante este curso a obra musical "O carnaval dos animais", do compositor francés Camille Saint-Saëns.

Neste 1º trimestre centrarémonos nos animais terrestres. Comezamos coa "Marcha real do León"

Acompañamos coa seguinte letra:

POR LA SELVA YO CAMINO,

TODOS ECHAN A TEMBLAR.

MI MELENA Y MIS GARRAS

A CUALQUIERA ASUSTARÁN.

  

DANZAS 1º Trimestre

Durante o primeiro trimestre cada grupo de primaria preparou unha danza diferente. Neste primeiro trimestre todas as danzas son en corro.

1º Primaria - Minoesjka (Holanda)

2º Primaria - Sete saltos (Dinamarca)

3º Primaria - Danza dos pastores (Francia)

4º Primaria - Zemer Atik (Israel)

5º Primaria - Pera Stous Pera Kambous (Grecia)

6º Primaria - Drumui Dracului (Moldavia)

INVERNO

Aínda que estamos no outono, comezamos a preparar unha canción para a seguinte estación do ano: o INVERNO!

Para iso estamos practicando as notas musicais coas campás seguindo este vídeo:

Tamén probamos a cantala con esta letra:

O outono, de Antonio Vivaldi

 En 1º traballaremos durante este curso a obra de Antonio Vivaldi "As catro estacións".

Comezamos neste primeiro trimestre co outono, aquí están dúas versións de orquestra:

Para acompañar esta obra e repasar os ritmos de negra e parella de corcheas axudámonos deste musicograma animado. Tamén practicamos a tocar FORTE e PIANO (suave):

 

Tamén seguimos a música con este musicograma, co que nos movemos pola clase facendo xestos en FORTE e PIANO:

 

Esta obra aparece nunha morea de anuncios, películas, debuxos animados... coma este!

Suite PEER GYNT, de Edvard Grieg

 En 4º comezamos a traballar a Suite Peer Gynt (1876), do compositor noruegués Edvard Grieg.

A historia trata dun mozo, Peer Gynt, que vivía nunha aldea de Noruega. Era moi traste e facía rabiar a toda a xente da aldea. Un día fíxolles algo moi malo e a xente quixo apresalo, pero el escapou e escondeuse no bosque que había nas montañas.

Nestes bosques noruegueses viven seres máxicos e misteriosos, como os gnomos, e outros seres noxentos e cheirentos como os trolls. Casualmente Peer Gynt atopou aos trolls. Contoulles que fuxía dos aldeáns por facer falcatruadas e iso gustoulles aos trolls, que o acolleron como a un máis.

Alí Peer Gynt viviu moi ben na gruta do rei da montaña, ata que a filla do rei troll namorouse del. Ela quería casar con el, pero a Peer Gynt pareceulle moi fea e cheirenta e non a quixo.

Entón os trolls anoxáronse moito e atárono a un tronco. Para convencelo bailaron e bailaron ao seu redor, pero Peer Gynt finalmente conseguiu soltarse do tronco fuxindo da gruta do rei da montaña.

O fragmento que veremos a continuación representa esta fuxida para escapar dos trolls.

Acompañamos este movemento con instrumentos de percusión:

E agora con notas musicais usando boomwhackers e campás afinadas. Ademais practicamos o cifrado americano:

E para rematar, a versión que fixeron na película Trolls, desta vez facendo o ritmo con paus.

Ritmo en Infantil

 

Estatuas musicais e outros xogos de Infantil

 Música para xogar ás estatuas musicais:

Movemento rápido e lento:

Marchamos, saltamos e corremos:

Xogos musicais na PDI